என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "பொது மக்கள்"
தொண்டி:
திருவாடானை புதிய பஸ் நிலையத்தில் தினமும் 70-க்கும் மேற்பட்ட பஸ்கள் வந்து செல்கின்றன. திருவாடானை சுற்றுவட்டார பொதுமக்கள் இந்த பஸ் நிலையத்திற்கு வந்துதான் மற்ற ஊர்களுக்கு செல்ல வேண்டும்.
திருவெற்றியூர் பாகம் பிரியாள் கோவில்,ஓரியூர் அருளானந்தர் ஆலயம் ஆகிய புனித தலங்களுக்குச் செல்பவர்களும் திருவாடானை வந்துதான் செல்ல வேண்டியுள்ளது.
தொண்டி வரும் மதுரை பஸ் மற்றும் ராமேஸ்வரம் செல்லும் திருச்சி பஸ்களும் திருவாடானை வந்துதான் செல்லவேண்டியுள்ளது. தற்போது இந்த பஸ் நிலையத்தில் அடிக்கடி திருட்டு நடைபெறுகிறது.
இங்கு கல்லூரி மாணவிகள் வந்து செல்கின்றனர். இவர்களை ஈவ் டீசிங் செய்யும் அட்டகாசங்களும் நாளுக்கு நாள் கூடிக் கொண்டே போகிறது. இளைஞர்கள் சிலர் பஸ் நிறுத்தும் இடத்தில் தங்களது இரண்டு சக்கர வாகனங்களை நிறுத்தி வைத்துக்கொண்டு ஈவ் டீசிங்கில் ஈடுபடுவதாக புகார் வருகின்றனர்.
எனவே இங்கு மக்கள் அதிகமாக கூடும் இடங்களில் கண்காணிப்பு கேமரா பொருத்தவும், நிற்க கூட வசதி இல்லாமல் இட நெருக்கடி உள்ள பஸ் நிலையத்தை விரிவுபடுத்தவும் இந்தப்பகுதி சமூக ஆர்வலர்கள் மற்றும் பொது மக்கள் அரசுக்கு கோரிக்கை விடுத்துள்ளனர்.
தெலுங்கானா தலைநகர் ஐதராபாத் அருகே நேற்று முன்தினம் மாலையில் ஒரு ஆட்டோ டிரைவர், வாலிபர் ஒருவருடன் சாலையில் தகராறில் ஈடுபட்டார். அப்போது ஆத்திரமடைந்த ஆட்டோ டிரைவர் தான் மறைத்து வைத்திருந்த கத்தியை எடுத்து அந்த வாலிபரை சரமாரியாக குத்தி கொன்றார்.
இந்த சம்பவம் நடந்த போது ஏராளமான பொதுமக்கள் அங்கு நின்றிருந்தனர். ஆனால் யாரும் இந்த சம்பவத்தை தடுத்து நிறுத்த முன்வரவில்லை. மாறாக தங்கள் கைகளில் இருந்த செல்போனில் இந்த சம்பவத்தை வீடியோ பதிவு செய்து கொண்டனர். ஒரேயொரு போக்குவரத்து போலீஸ்காரர் மட்டும் அந்த ஆட்டோ டிரைவரை தடுக்க முயன்றார்.
ஆனால் கழுத்து உள்ளிட்ட பல்வேறு பகுதிகளில் கத்திக் குத்து பட்ட அந்த வாலிபர் சம்பவ இடத்திலேயே பரிதாபமாக உயிரிழந்தார். பின்னர் அந்த ஆட்டோ டிரைவரை போலீசார் பிடித்து விசாரித்தனர். அப்போது அவரது பெயர் காஜா (வயது30) என்றும் உயிரிழந்தவர் குரேஷி (35) என்றும் தெரியவந்தது.
அவர்களுக்கு இடையே ஆட்டோ கொடுக்கல் வாங்கலில் ஏற்பட்ட தகராறில் இந்த கொலை நடந்ததும் கண்டுபிடிக்கப்பட்டது. தங்கள் கண்முன்னே நடந்த கொலையை தடுக்க முன்வராமல், செல்போனில் படம் பிடித்த பொதுமக்களின் செயல் ஐதராபாத் வாசிகளிடம் அதிர்ச்சியை ஏற்படுத்தியது. #Hyderabad #ManStabbed #PublicView
பழையஜெயங்கொண்டம் பேரூராட்சிக்கு உட்பட்ட தொட்டியப்பட்டி கிராமத்தில் 100-க்கும் மேற்பட்ட குடும்பத்தினர் வசித்து வருகின்றனர். அவர்களின் குடிநீர் தேவைக்காக மகாதானபுரம் காவிரி ஆற்றில் இருந்து காவிரி நீர் வினியோகம் செய்யப்பட்டது. இந்த நிலையில் கடந்த 30 நாட்களாக குடிநீர் வினியோகம் செய்யப்படவில்லை என்று கூறப்படுகிறது. இதனால் அருகில் உள்ள விவசாய தோட்டங்களில் உள்ள கிணறுகளில் இருந்து தண்ணீர் எடுத்து வந்து பயன்படுத்தி வந்தனர். இதனால் வேலைக்கு செல்பவர்கள், பள்ளி, கல்லூரி மாணவ- மாணவிகள் குறித்த நேரத்திற்கு செல்ல முடியாமல் பெரிதும் சிரமப்பட்டனர். இதுகுறித்து சம்பந்தப்பட்ட அதிகாரிகளிடம் புகார் அளித்தும் எந்த நடவடிக்கையும் எடுக்கப்படவில்லை என்று கூறப்படுகிறது.
இந்த நிலையில் ஆத்திரம் அடைந்த தொட்டியப்பட்டி பொதுமக்கள் நேற்று காலிக் குடங்களுடன் பழையஜெயங்கொண்டம் பேரூராட்சி அலுவலகத்திற்கு வந்தனர். பின்னர் அலுவலகம் முன்பு அமர்ந்து முற்றுகைபோராட்டத்தில் ஈடுபட்டு குடிநீர் வழங்கக்கோரி கோஷங்கள் எழுப்பினர். இதையடுத்து முற்றுகைபோராட்டத்தில் ஈடுபட்ட பொதுமக்களிடம் பேரூராட்சி செயல் அலுவலர் சிவக்குமார் பேச்சுவார்த்தை நடத்தினார். அப்போது அவர் தொட்டியப்பட்டி பகுதியில் விரைவில் குடிநீர் வினியோகம் செய்ய நடவடிக்கை எடுக்கப்படும் என்று உறுதி அளித்தார். இதனை ஏற்றுக்கொண்ட பொதுமக்கள் போராட்டத்தை கைவிட்டு கலைந்து சென்றனர். இந்த சம்பவத்தால் அப்பகுதியில் பெரும் பரபரப்பு ஏற்பட்டது.
அரியலூர் மாவட்டம் எருத்துக்காரன்பட்டி ஊராட்சிக்குட்பட்ட கொல்லாபுரம் கிராமத்தில் ஏராளமான பொதுமக்கள் வசித்து வருகின்றனர். இந்நிலையில் அந்த கிராமத்திற்கு கடந்த 10 நாட்களுக்கு மேலாக குடிநீர் வினியோகம் செய்யப்படவில்லை. இதனால் பொதுமக்கள் குடிநீர் கிடைக்காமல் மிகுந்த சிரமத்துக்கு ஆளாகினர். மேலும் காசு கொடுத்து குடிநீர் வாங்கி குடிக்கும் அவலநிலை ஏற்பட்டுள்ளது. குடிநீர் வராததை கண்டித்தும், குடிநீரை சீராக வினியோகிக்க கோரியும் சம்பந்தப்பட்ட அதிகாரிகளிடம் அந்தப்பகுதியில் வசிக்கும் பொதுமக்கள் பல முறை புகார் தெரிவித்தும் நடவடிக்கை எடுக்கப்பட வில்லை.
இதனால் ஆத்திரமடைந்த கொல்லாபுரம் பெண்கள் உள்பட பொதுமக்கள் நேற்று மாலை கையில் காலிக்குடங்களுடன் அரியலூர்-செந்துறை சாலையில் மறியலில் ஈடுபட்டனர். இந்த சாலை மறியலால் போக்குவரத்து பாதிக்கப்பட்டு வாகனங்கள் அணி வகுத்து நீண்ட வரிசையில் நின்றன. இது குறித்து தகவலறிந்த வருவாய்த்துறை அதிகாரிகள் மற்றும் அரியலூர் போலீசார் சம்பவ இடத்திற்கு விரைந்து சென்று மறியலில் ஈடுபட்ட பொதுமக்களிடம் பேச்சுவார்த்தையில் ஈடுபட்டனர். அப்போது உங்கள் கிராமத்திற்கு குடிநீர் வரும் குழாய்களில் அடைப்பு ஏற்பட்டுள்ளதால் குடிநீர் வரவில்லை என்றும், அதனை சீரமைக்க வரை தற்காலிகமாக தற்போது குடிநீர் வழங்கப்படும் என்றும், பின்னர் குழாயில் உள்ள அடைப்பை எடுத்த பிறகு குடிநீர் சீராக வினியோகம் செய்ய நடவடிக்கை எடுக்கப்படும் என்று அதிகாரிகள் தெரிவித்தனர்.
இதில் உடன்பாடு ஏற்பட்டதால் பொதுமக்கள் மறியலை கைவிட்டு கலைந்து சென்றனர். இதையடுத்து போலீசார் சுமார் 1 மணி நேரம் பாதிக்கப்பட்டிருந்த போக்குவரத்தை ஒழுங்குபடுத்தினர். இதனை தொடர்ந்து அந்தப்பகுதிக்கு உடனடியாக தற்காலிகமாக குடிநீர் வினியோகம் செய்யப்பட்டது. குடிநீர் சீராக வினியோகம் செய்யக்கோரி கொல்லாபுரம் பொதுமக்கள் சாலை மறியலில் ஈடுபட்ட சம்பவம் அந்தப்பகுதியில் பெரும் பரபரப்பை ஏற்படுத்தியது.
பெரியபாளையம்:
எண்ணூர் துறைமுகம் மகாபலிபுரத்தை இணைக்கும் 200 அடி சென்னை சுற்று வட்டச் சாலையை திருவள்ளூர் மாவட்டம் தாமரைப் பாக்கம், புன்னப்பாக்கம், அத்தங்கிகாவனூர், கிளாம்பாக்கம், அத்திவாக்கம் வழியாக அமைக்க திட்டமிடப்பட்டு உள்ளது.
இந்த திட்டத்துக்காக விவசாயிகள் மற்றும் பொது மக்களின் நிலத்தை கையகப்படுத்த உள்ளனர். இது தொடர்பாக விவசாயிகள் மற்றும் பொது மக்களிடம் கருத்து கேட்பு கூட்டம் தாமரைப்பாக்கம் கூட்டுச்சாலையில் உள்ள தனியார் திருமண மண்டபத்தில் நடைபெற்றது.
நிகழ்ச்சிக்கு திருவள்ளூர் மாவட்ட கலெக்டர் சுந்தர வல்லி தலைமை தாங்கினார். நெடுஞ்சாலை துறை, மாசு கட்டுப்பாட்டு வாரிய துறை அதிகாரிகள், விவசாயிகள், சங்க நிர்வாகிகள் சம்பத், கண்ணன் மற்றும் பொது மக்கள் கலந்து கொண்டனர்.
கூட்டத்தில் பொது மக்கள் பேசும்போது, சாலை அமைக்கும் திட்டத்துக்காக விவசாயிகள் மற்றும் பொது மக்களின் நிலத்தை கையகப்படுத்த உள்ள சர்வே எண் மற்றும் அளவை முன் கூட்டியே அதாவது போர்க்கால அடிப்படையில் தெரியப்படுத்த வேண்டும்.
இழப்பீடு தொகையை எவ்வாறு வழங்குவார்கள் என்பதை தெரியப்படுத்த வேண்டும் என்பது உள்ளிட்ட பல்வேறு கருத்துக்களை தெரிவித்தனர்.
இந்த கருத்துக்களை எழுத்துப்பூர்வமாக பதிவு செய்து சம்மந்தப்பட்ட துறை மேல் அதிகாரிகளுக்கு அனுப்பி வைப்பதாக கலெக்டர் சுந்தரவல்லி தெரிவித்தார். இந்த கருத்து கேட்பு கூட்டத்தில் பொது மக்கள், விவசாயிகள், அதிகாரிகள் என்று சுமார் 200 பேர் கலந்து கொண்டனர்.
கிருஷ்ணகிரி மாவட்டம் போச்சம்பள்ளி தாலுகாவிற்கு உட்பட்ட பகுதிகளில் வசிக்கும் முதியவர்கள் சிலருக்கு வழங்கப்பட்டு வந்த முதியோர் உதவித்தொகை நிறுத்தப்பட்டு விட்டதாக கூறப்படுகிறது. இது குறித்து முதியவர்கள் சம்பந்தப்பட்ட அதிகாரிகளிடம் பலமுறை புகார் மனு கொடுத்தும் எந்தவித நடவடிக்கையும் எடுக்கப்படவில்லை எனக்கூறப்படுகிறது.
அதன்படி போச்சம்பள்ளி அருகே உள்ள பாலேதோட்டம் பகுதியை சேர்ந்த 50-க்கும் மேற்பட்ட முதியோர்களுக்கும் முதியோர் உதவித்தொகை நிறுத்தப்பட்டு விட்டதாக தெரிகிறது. இதன் காரணமாக அவர்கள் கடும் சிரமத்திற்கு உள்ளாகி வருகின்றனர்.
இந்த நிலையில் நிறுத்தப்பட்ட முதியோர் உதவித்தொகையை மீண்டும் வழங்கக்கோரி பாலேதோட்டத்தில் கொடமாண்டப்பட்டி - போச்சம்பள்ளி செல்லும் சாலையில் நேற்று முதியவர்கள் சிலர் சாலைமறியலில் ஈடுபட்டனர். அதிகாரிகள் வந்து தங்களிடம் பேச்சுவார்த்தை நடத்துவார்கள் என அவர்கள் எதிர்பார்த்தனர்.
ஆனால் வெகு நேரமாகியும் அதிகாரிகள் பேச்சுவார்த்தை நடத்த வரவில்லை எனக்கூறப்படுகிறது. இதனால் நீண்ட நேரம் நிற்க முடியாத முதியவர்கள் அங்கிருந்து ஏமாற்றத்துடன் திரும்பி சென்றனர்.
வேலாயுதம்பாளையம்:
கரூர் மாவட்டம், புகளுர்,வேலாயுதம்பாளையம், தவுட்டுப்பாளையம், சுற்று வட்டார பகுதி பொது மக்களின் குடிநீர் தேவையை பூர்த்தி செய்யும் பொருட்டு தவுட்டுப்பாளையம் அருகே காவிரி ஆற்றில் கிணறு தோண்டப்பட்டு அதிலிருந்து குடிநீர் குழாய் போடப்பட்டது. இதில் 24 மணிநேரமும் குடிநீர் விநியோகம் செய்யப்பட்டு வருகிறது. பொது மக்களும் பயன் பெற்று வருகின்றனர்.
இந்நிலையில் தவுட்டுப்பாளையம் - பாலத்துறை செல்லும் தேசிய நெடுஞ்சாலையில் பயணிகள் நிழற் கூடம் பின்புறம் செல்லும் குடிநீர் குழாய்பழுதடைந்து உடைந்து குடிநீர் குழாயிலிருந்து ஏராளமான குடிநீர் வீணாகி வருகிறது. குடிநீர் குழாய் சேதமடைந்து 24 மணி நேரமும் குடிநீர் வீணாகி வருகிறது.
கோடை காலத்தில் தண்ணீர் பற்றாக்குறையால் பொது மக்கள் அவதி பட்டு வரும் நிலையில் குடிநீர் தேவையற்ற முறையில் வீணாகி வருகிறது. இதனால் பொது மக்களுக்கு விநியோகிக்கும் குடிநீர் பற்றாக் குறை ஏற்பட்டு வருகிறது. இதுகுறித்து உள்ளாட்சி துறை அதிகாரிகளிடம் புகார் தெரிவித்தும் எந்த நடவடிக்கையும் எடுக்கப்படவில்லை என கூறப்படுகிறது. எனவே மாவட்ட கலெக்டர் அன்பழகன் விரைந்து நடவடிக்கை எடுத்து பழுதடைந்த குடிநீர் குழாயை சீரமைத்து வீணாகிவரும் குடிநீரை தடுக்க வேண்டும் என தவுட்டுப்பாளையம் சுற்று வட்டாரப்பகுதி பொது மக்கள் கோரிக்கை விடுத்துள்ளனர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
